İyulun 18-də təhsil nazirinin müavini Firudin Qurbanov Almetyevsk Dövlət Neft İnstitutunun rektoru Aleksandr Dyakonovla görüşüb.
Tehsilyenilikleri.az saytı xəbər verir ki, görüşdə birgə təhsil layihələri, o cümlədən ikili diplom proqramları ilə bağlı məsələlər müzakirə edilib.
Müzakirələrdə xüsusi olaraq elmi araşdırmalardan danışılıb, hər iki tərəf elmi tədqiqatları məzunların qlobal elm və təhsil məkanında rəqabət qabiliyyətini təmin edən uğurlu və müasir təhsilin açarı kimi dəyərləndirib.
Almetyevsk Dövlət Neft İnstitutunun rektoru səfər etdiyi Azərbaycanın ali təhsil ocaqlarında elmi tədqiqatların, təhsilin keyfiyyətinin və infrastrukturunun inkişafının yüksək səviyyədə olduğunu qeyd edib.