“Azərbaycan” demək hər insanın ürəyinin qaldıracağı yük deyil. Bəlkə də, çox insan Azərbaycan,Vətən kəlmələrini adi söz bilir.
Bu gün haqqında danışacağımız müsahibimiz də sözün əsl mənasında Vətəni Vətən kimi sevəndir.
Ümumiyyətlə, sevgi hər bir insana nəsib olmur. Sevgi elə bir ilahi hissdir ki, onu tanrı ən sevgili bəndələrinin qəlbinə nur olaq bəxş edir.Vətən sevgisi… Bu birləşmənin qüdrətinə bax .Beş hərfdən ibarət olan bir söz nə qədər qüdrətlidir.
Bəs nədir Vətən?!
Vətən doğulduğun torpaq, o torpaqdan qalxan cənnət ətri, yəni ana ətridir.
Qəlbinə tanrının nuru çilənən müsahibim bu sevgiyə bütün ömrünü verdi. Sevginin qarşısını kəsmək olarmı?Əsla!
Kimsə kəsə bilmədi, ildən ilə cağladı çoşdu .
Yəqin hər biriniz müsahibimin kim olduğunu həsrətlə gözləyirsiniz.
Haqqında danışdığım insan Məlikov Əlyusif Yusif oğludur.
Çoxumuz pedaqoq, bəzimiz ziyalı və hər birimiz ürəyi Azərbaycan ilə döyünən vətən oğlu kimi tanıdıq.Bəzən” bir şairin – ziyalının, alimin yaşadığı dövründə niyə yaşamadım? “-deyə, təəssüf edərik.Bax Əlyusif müəllim belə insanlardan birincisidir.
1948-ilin ilk payız ayı… Yusif Məlikov ocağında dünyaya göz açan körpəyə Əlyusif adını verildi.Bütün çətinliklərə baxmayaraq, orta təhsilini müvəffəqiyyətlə başa vurub (1968 ) Pedaqoji Universitetə daxil olmuşdur.
Elmin gücü və zəkası ilə ali təhsilini başa vurmuş,(1973 )ömrünü pedaqoji fəaliyyətə həsr etmişdir.
Gözəl ailə başcısı, etibarlı həyat yoldaşıdır. Ruhundakı Vətən sevgisini övladlarına yansıtmış, tərbiyəli, əqidəli, zəkalı övladlar yetişdirmişdir.
Üzündəki gülüşü görmək çox az qismət olsa da, qəlbinin saflığı baharın ilk günəşi kimi hər zaman parlaqdır.
Onu əsrin Cahandar ağası adlandırsam, yanlış etmərəm.
Hörmətli Əlyusif müəllim ,dəyərli əmim! Bu gün dünyaya göz açdığın gün. Günün aydın və mübarək olsun.
Tutduğun haqq yolunda daim uğur qazanmaq arzusu ilə
YADİGAR Təvəkkül