Kəlbəcər sakini Yusifov Rafiq Məhəmməd oğlu illərdir davam edən mənzil və qeydiyyat problemi ilə bağlı tənqidçi jurnalist Vüsal Kəlbəcərliyə müraciət edərək məsələnin işıqlandırılmasını xahiş edib.
Rafiq Yusifov bildirir ki, onun adına saxta ev və arayışlar hazırlanıb və qeydiyyatı xəbərsiz şəkildə başqa rayona dəyişdirilib. O, 2005-ci ildə Bərdə rayonundan Abşeron rayonuna köçdüyünü, 2014-cü ilə qədər isə Xırdalan şəhərində qeydiyyatda olduğunu qeyd edir. 2014-cü ildə yaşadığı ev “Kristal Abşeron” tərəfindən sökülüb və ona yeni mənzil veriləcəyi bildirilsə də, bu günə qədər vəd yerinə yetirilməyib.
Vətəndaş həmçinin iddia edir ki, onun xeyrinə araşdırmanın başlanması barədə qərar verilməsinə baxmayaraq faktiki araşdırma aparılmayıb. Əksinə, bəzi araşdırmalar saxta nəticələrlə onun əleyhinə təqdim olunub. Tanımadığı şəxslər tərəfindən onun adı ilə saxta araşdırmalar aparıldığı ortaya çıxıb və bu araşdırmalar Abşeron rayon Mənzil-Kommunal təsərrüfatı və Dövlət Qaçqınkomun şöbə müdiri səviyyəsində həyata keçirilib.
Rafiq Yusifov vurğulayır ki, bütün rəsmi sənədlərində və dövlət qeydiyyatlarında 2022-ci ilə qədər ailəsi ilə birlikdə Abşeron rayonunda qeydiyyatda olub. Lakin 2022-ci ildə xəbəri olmadan və razılığı alınmadan qeydiyyatı qanunsuz şəkildə başqa rayona keçirilib.
O, aidiyyəti qurumlardan məsələni obyektiv şəkildə araşdırmağı, qanunsuzluqların aradan qaldırılmasını və hüquqlarının bərpasını tələb edir.
https://www.instagram.com/reel/DWYfG5wjDSZ/?igsh=MTd6M3o5aWNsaGtzdw==