Son iki ildə Kataliz və Qeyri-üzvi Kimya İnstitutu əməkdaşlarının “Scopus” bazasına daxil olan jurnallarda 236 məqaləsi yerləşdirilib. Həmin məqalələrə 460 istinad edilib.
İnstitutdan bildirilib ki, Elm və Təhsil Nazirliyinin tabeliyində olan 31 elmi müəssisə arasında Kataliz və Qeyri-üzvi Kimya İnstitutu “Scopus” bazasında çap edilən məqalələrin ümumi sayına görə 4-cü yerdədir. Həmin bazaya daxil olan jurnallarda institut əməkdaşları qeyri-üzvi materialşünaslıq, kataliz, fiziki kimya, polimerlər və kimya mühəndisliyi sahəsində elmi axtarışların nəticələrini çap etdirir və müxtəlif beynəlxalq konfranslarda çıxış edirlər.
Beynəlxalq “Scimago” portalında elmi məhsuldarlığa görə elmi-tədqiqat qurumlarının 2023-cü il üzrə reytinq cədvəlində Elm və Təhsil Nazirliyinin tabeliyinə verilmiş cəmi 3 elmi-tədqiqat institutu yer alıb ki, onlardan da biri Kataliz və Qeyri-üzvi Kimya İnstitutudur (digərləri Fizika İnstitutu, Riyaziyyat və Mexanika İnstitutudur).