İnzibati dövlət qulluğu vəzifələrinin B növünə (inzibati icraçı vəzifələr) aid BA və BB qruplarına uyğun olan vəzifələr, həmçinin dövlət qulluğunda fəaliyyətin davam etdirilməsi üzrə (BB vəzifə qrupu) avqustun 11-də kağız daşıyıcılar vasitəsilə keçiriləcək test imtahanında iştirak edəcək namizədlər imtahana buraxılış vərəqəsini çap edə bilərlər.
Bu barədə Dövlət İmtahan Mərkəzindən məlumat verilib. Bildirilib ki, avqustun 11-də dövlət qulluğunda fəaliyyətin davam etdirilməsinə aid digər vəzifə qrupları (AB, AC, BA) üzrə imtahanlar isə kompüter vasitəsilə keçiriləcək. Həmin namizədlər imtahana buraxılış vərəqəsini “Elektron imtahanlara buraxılış vərəqələri və nəticələrin çapı” xidməti vasitəsilə çap edə bilərlər.
Namizəd imtahana gələrkən şəxsiyyətini təsdiq edən sənədin əslini və imtahana buraxılış vərəqəsini mütləq gətirməlidir. Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, namizəd imtahana buraxılmayacaq.